Καλλαντάρτς καλή χρονία/
ντ\' αγνόν έτον η παντρεία/
Καλλαντάρτς και νέον έτος,/
κόρ\' θα παίρω σε οφέτος/
Ο Κούντουρον εν λειφτός/
κουρμπάν -ρίζα μ\'- σο Χριστό σ\'/
Ο Μαρτς φερ\' τα χελιδόνα/
κελαηδούν και λυν\' τα χιόνα/
Απρίλτς έρται και περά,/
τ\' άλλο κλαίει τ\' άλλο γελά/
Έρθεν κι\' ο Καλομηνάς,/
γάλαν φα όντας πεινάς/
Κερασινόν φέρ\' τον ήλον,/
κουζαρτέν\' κι εφτάει σε μήλον/
\'Ερθεν και Χορτοθέρτς/
έπαρ\' το καγάν σο χέρ\'τς/
Αύγουστον πα φέρ\' τ\' αλώνα/
και λαρών\' ούλα τα πόνα/
Ο Σταυρίτες ρεντσιπέρτς,/
έναν σπερτς και πέντε παίρτς/
Τρυγομηνάς φέρ\' τον κρύον/
να σάν εκείνον ποι έχ\' το βίον/
Αεργίτες έν ζεγκίνς,/
φέρ\' κρύον νερόν και πιντς/
Χριστιανάρτς καλή ώρα,/
κόρ\' μη ακούς εσύ τη χώραν.